Adeegyada shaqosiinta ee Helsinki
Soo dhowoow macmiilkeenna!
Waxaan kaa caawinaynnaa sidii aad ku heli lahayd tallaabadii tan xigtay ee aad qaadi lahayd. Boggaan waxaan kuugu sheegeynnaa xuquuqdaada iyo waajibaadkaaga ee ka shaqo doone ahaan iyo sidoo kale adeegyadeenna.
Meelaha aad la soo xiriiri karto
Waxaan kaa caawinaynnaa shaqo doonista iyo iskuul codsashada. Waxaad annaga naga heleysaa caawimaadda la xiriirta dano dhammaysashada. Qaabab badan oo kala duwan ayaad noola soo xiriiri kartaa.
Waxaad qofka khabiirka ee ka mas’uulka ah arrimahaaga ugu reebtaa farriin ah in uu kula soo xiriiro, adeegga Oma asiointi. Adeeggu wuxuu ku baxayaa luqadaha af-finishka iyo iswidhishka.
Ma u baahan tahay caawimaadda la xiriirta isticmaalka adeegga Oma asiointi Waxaad la soo xiriri kartaa adeegyadeenna telefoonka ama waxaad soo booqan kartaa xafiisyadeenna.
Adeegga Oma asiointi – waxaad:
- ka diiwaangelin kartaa waqtiga shaqo la’aantaadu ay bilaabanayso iyo waqtiga ay dhammaanayso
- ka diiwaangelin kartaa waqtiga ay kuu bilaabanayso waxbarshada iskuulka ee caadiga ah, luqadda finishka iyo iskuulka la qabsiga waddanka, iyo wixii kale ee isbeddel ah oo ku yimaada xaaladdaada
- ka hubin kartaa, kana cusboonaysiin kartaa qorshahaaga
- ka diiwaangelin kartaa hirgelinta qorshahaaga
- ka diiwaangelin kartaa buuxinta waajibaadkaaga shaqo doonista
- ka hubin kartaa waxyaabihii iyo howlihii kale ee lagu heshiiyay
- kaga jawaabi kartaa codsiyada la xiriira wax soo caddaynta
- kala socon kartaa heerka ay hadba marayaan wax ka qabashada codsiyada caddaynta iyo warbixinaha
- ka cusboonaysiin kartaa meelaha lagaala soo xiriiri karo.
Cinwaankaaga isbeddelay, annaga si ootomaatig ah nooguma soo baxaayo, xittaa haddii aad cinwaanka beddelkiisa ka diiwaangelisay xafiiska diiwaangelinta dadweynaha. Waa in aad cinwaanka ka beddeshaa gudaha adeegga Oma Asiointi iyo xafiiska diiwaangelinta dadweynaha labadaba.
Talosiinta heer qaran ee adeegyada xafiiska shaqada
Wuxuu furan yahay isniin-jimce saacadda 9–16.15.
tel. 0295 025 500, adeeggu waa af-finish
tel. 0295 025 510, adeeggu waa af-iswidhish
tel. 0295 020 713, adeeggu waa af-ingiriisi
tel. 0295 020 715, adeeggu waa af-ruush
Telefoon lambarkaan waxaad ka heleysaa caawimaadda guud iyo talosiinta ku saabsan dano dhammaysiga, isticmaalka adeegga Oma-asiointi iyo arrimaha la xiriira shaqo doonista. Sidoo kale waxaad telefoonkaan ugu reebi kartaa farriin ah codsiga la soo xiriirka, khabiirkaaga kuu gaarka ah ee arrimahaaga ka mas’uuulka ah.
Macluumaadka muhiimka ah ee la xiriira adeegyada iyo muddada adeegga la sugaayo waxaad ka heleysaa bogga suuqa shaqada (luqadaha af-finishka, af-iswidhishka iyo af-ingiriisiga).
Talo siinta adeegyada shaqaalaysiinta ee Helsinki
Waxaa uu furan yahay isniin–jimce saacadda 9–15.
tel. 09 310 36107, waxaan adeegga ku bixinaynnaa luqadaha af-finishka iyo af-ingiriiska.
Haddii loo baahdana waxaan luqadaha kale u dalbi karnaa turjubaan.
Waad na soo wici kartaa haddii aad u baahan tahay macluumaadka ku saabsan adeegyada shaqo siinta ee Helsinki, caawimaadda ku saabsan shaqo doonista ama macluumaadka ku saabsan waxbarashada iskuulka ee suuraggalka ah in la helo.
Haddii arrinkaagu uu ku saabsan yahay warbixinta aad heshay ama waajibkaaga shaqodoonista, adigoo mahadsan waxaad si toos ah ula xiriirtaa khabiirka mas’uulka ka ah arrimahaaga.
Barta adeegga ee Helsinki (Helsinki-info)
Adeeggan waxaa uu furan yahay maalmaha isniin-khamiis, saacadda 9–16 iyo jimcaha, saacadda 10–15.
tel. 09 310 11111, adeegyadu waxaa ay ku baxayaan luqadaha af-finishka, af-iswidhishka iyo af-ingiriiska.
Sidoo kale waxaad reebi kartaa wixii farriin la soo xiriiris ah oo ku saabsan adeegyada luqadaha kale.
Waxaad isla goobta adeegga ka heleysaa adeegyo turjumis oo luqado kala duwan ah. Barta adeegga ee Helsinki-info waxay kaala talinaysaa, marka aad raadinayso macluumaadka ku saabsan adeegyada magaalada iyo waddan u soo guurista
Xafiisyada Kamppi, Pasila iyo Itäkeskus (boggaga waxaa ay ku qoran yihiin luqadaha af-finishka, af-iswidhishka iyo af-ingiriisiga) talo siinta xafiisyada waxaa ay furan yihiin maalmaha isniin-jimce, saacadda 9–16.
- Xafiiska Kamppi, Malminkatu 34
- Xafiiska Pasila, Ratapihantie 7
- Xafiiska Itäkeskus, Asiakkaankatu 3 A
Talo siinta uma baahna inaad waqti ballan ah ka qabsato. Waxaan adiga ku siinaynnaa adeegyada ay ka midka yihiin shaqo doonista, waxbarasho codsashada iyo isticmaalka adeegga qaybta (Oma asiointi).
Talo siinta waxaan ku bixnaynnaa luqadaha af-finishka iyo af-ingiriiska. Haddii loo baahdo waxaan kuu qabanaynnaa turjubaan luqadaha kale ah.
Adeegga talo siinta shirkadda ee ganacsiga Helsinki (Business Helsingin yritysneuvonta) waxaa uu u adeegayaa ganacsigaaga, waxaana uu kaa caawinayaa sidii uu ganacsigaagu u kobci lahaa. Adeeggu waxaa uu ku bixi doonaa luqadaha af-finishka, af-iswidhishka, af-ingiriiska, afcarabiga, af-ruushka, af-istooniyaanka iyo af-isbaanishka.
Waa maxay ganacsiga Helsinki Mikä on Business Helsinki (af-finish, af-iswidhish iyo af-ingiriis)
Xaggee ayaan ka helayaa goobo shaqo?
Suuqa shaqada Työmarkkinatori
Adeegga internetka ee Oma asiointi
Barta adeegga ee InfoFinland
Sidaan soo socota samee
Haddii aad noqotay shaqo la’aan ama muddo cayiman shaqadii lagaa fariisiyay, sida ugu dhakhsaha badan u diiwaangeli inaad tahay shaqo la’aan. Waxaad shaqo doonistaada ka diiwaangelisaa barta adeegga internetka ee Oma asiointi (luqadaha af-finish iyo af-iswidhsih).
Sidoo kale waxaad shaqo doonistaada ka diiwaangelin kartaa
- Adeegyada telefoonka ee xafiiska shaqada (adeeggu waxaa uu ku bixi doonaa luqadaha af-finishka, af-iswidhishka, af-ingiriiska iyo af-ruushka)
- Xafiisyada adeegyada shaqo siinta ee Helsinki
- Goobta shaqada ee xafiiska shaqada.
Tilmaanbixinta la xiriirta isdiiwaangelinta waxaad ka heleysaa bogagga suuqyada shaqada. (luqadaha af-finishka, af-iswidhishka iyo af-ingiriiska)
Waxaad u baahann tahay inaad haysato sharciga degganaanshaha dalka oo waqtigiisu shaqaynaayo, si aad macmiil ahaan isaga diiwaangeliso adeegyada shaqo siinta ee Helsinki. Ka akhriso macluumaadka dheraadka ah ee ku saabsan sharciga degganaanshaha dalka bogagga Hoggaanka socdaalka (luqdaha af-finsihka, af-iswidhishka iyo af-ingiriiska).
Marka aad tahay macmiilkeenna iyo qof shaqo la’aan ah oo shaqo raadinaaya, waxaad leedahay xuquuq, waxaana lagugu leyahay waajibaad. Iyadoo arrimahaas la raacaayo ayaad waxaad xaq u yeelanaysaa gunnooyinka shaqo la’aanta iyo in aad ka qaybqaadato adeegyada aan bixinno. Adeegyadaas waxaa adiga lagaala heshiin doonaa, marka laguu dejinaayo qorshahaaga.
Si fiican u baro tilmaanbixinta la xiriirta:
Waajibaadka iyo xuquuqaha shaqo doonaha
Si firfircconi leh u raadso shaqda maalinka oo dhan ah. Adiga ayaa iskaa si xor ah u raadsan kara shaqooyinka iyo goobaha waxbarashada ee aad xiiseyneyso. Sidoo kale waxaad codsataa goobaha shaqada ee uu kuu soo gudbiyay khabiirkaaga kuu gaarka ah ee arrimahaaga ka mas’uulka ah. Si wadajir ah ayaan u qoraynnaa waajibaadka shaqo doonista ee qorshahaaga.
Khabiirkaaga ka mas’uulka ah arrimahaaga
Maadaama aad tahay macmiil ka tirsan adeegyayada shaqo siinta ee Helsinki, waxaad heleysaa khabiir kuu gaar ah oo qaabilsan arrimaahaga. Wuxuu adiga kaa caawinayaa shaqo raadinta ama iskuul codsashada.
Khabiirka mas’uulka ah wuxuu ku siinayaa talooyin, waxaana uu kaa caawinayaa su’aalaha guud ee la xiriira shaqo doonista iyo iskuul codsashada. Waxaad si wadajir ah u samaynaysaan qorshaha shaqo siintaada. Qorshaha waxaad iskula meel dhigaysaan arrimaha la xiriira shaqo doonistaada iyo waajibaadkaaga shaqo doonista.
Ma haysaa wax fikardo kuu gaar ah oo ku saabsan sidii aad u horumarin lahayd shaqaalayntaada? Khabiirkaaga ka mas’uulka ah arrimahaaga ayaa kaa caawin doona qiiimaynta la xiriirta, sida ay adeegyada aad doonayso ugu habboon yihiin xaaladdaada.
Adeegga waxaad ku heleysaa luqaddaada hooyo ama luqaddii kale ee aad si wanaagsan u taqaanno. Haddii aad u baahatana waxaad heleysaa turjubaan kaa caawinaaya dano ka dhammaysashada xafiisyadeenna.
Barashada luqadda
Marka aad doonayso inaad barato koorasyada luqadaha af-finishka iyo af-iswidhishka, amaba aad doonayso inaad barato akhriska iyo qoraalka. Inta aadan kooraska bilaabin waxaad arrinkaan kala hadashaa khabiirkaaga kuu gaarka ah. Waxbarashada waxaa dhici karta in ay saamayn ku yeelato gunnooyinkaaga shaqo la’aanta.
Sidoo kale si madaxbannaani leh ayaad wax u baran kartaa.
Ka raadi koorasyada adeegga internetka ee FinnishCourses.fi. (bogaggu waxaa ay ku qoran yihiin luqadaha af-finishka, af-ingiriska iyo af-ruushka)
Macluumaadka ku habboon waxbarashada waxaad ka heleysaa bogagga InfoFinland.fi ama makatabadaha.
La qabsashada waddanka
Waxaan bixinnaa adeegyo gaar ah oo loogu talaggalay shaqo doonayaasha reer Helsinki ee dalka u soo guuray, kuwaasoo la siiyay sharciga degganaanshaha dalka ee Finland. Waxaan adiga kaa caawinaynnaa sidii aad ula qabsan lahayd, booskaagana aad uga heli lahayd nolosha shaqada ee Finland. Adeeggaan waxaa la bixinayaa saddexda sano ee ugu horraysa, laga soo bilaabo marka uu qofku qaatay sharciga degganaanshaha dalka.
Haddii aad tahay qof waddanka u soo guuray oo ku jira xilligii la qabsiga dalka, aadna qaadatay sharciga degganaanshaha dalka ugu badnaan saddex sano, waxaan markaa
- si wadajir ah kuula samaynaynnaa qorshaha la qabsiga dalka
- kuu diiwaangelinaynnaa waxbarashada iskuulka la qabsiga dalka.
Haddiii helitaanka sharciga degganaanshaha ee ugu horreeyay ay ka soo wareegtay wax ka badan saddex sano, xaq uma lihid qorshaha la qabsiga dalka.
Haddii adiga qorshaha la qabsiga dalka hore laguugu sameeyay, waxaad la soo xiriirtaa shaqaalaha adeegga shaqo siinta ee Helsinki. Qofka shaqaalaha ah ayaad isla eegi kartaan arrinka ku saabsan waqtigaaga la qabsiga dalka. Sida guud waqtiga la qabsiga dalka waa muddada u dhexeysa 1-3 sano.
Qorshaha la qabsiga dalka
Qorshaha la qabsiga dalka waxaa la iskula meel dhigayaa arrimaha ku saabsan adeegyada, kuwaasoo aad ugu baahan tahay shaqaalaysiinta iyo la qabsiga dalka. Adeegyadaas waxaa ka mid ah tusaale ahaan:
- barashada luqadaha finishka iyo iswidhishka
- waxbarashada la qabsiga dalka
- waxbarashada xirfadda
- shaqada tijaabada
- tababarka shaqo doonista
- shaqada mushaar caawinta
- shaqo.
Si wadajir ah u sameeya waxyaabihii lagu heshiiyay, howshana waxaad u qabataa sida ku xusan qorshaha.
Waxbarashada la qabsiga dalka
Waxbarashada la qabsiga dalka waxaa loogu talaggalay dadka waqti yar ka hor u soo guuray dalkaan Finland Sida badan waxbarashadu waxaa ay qaadataa qiyaastii hal sano Muddada ay waxabarshada iskuulkaagu qaadanayso, waxaad kala heshiisaa khabiirkaaga ka mas’uulka ah arrimahaaga.
Waxaad u doorataa luqaddaada la qabsiga dalka finnish ama iswidhish. Waxaad doorashada luqadda kala sheekeysan kartaa khabiirkaaga kuu gaarka ah.
Adiga nafsad ahaantaada ma dooran kartid waxbarashada la qabsiga dalka. Waxaa lagu gelinayaa safka sugitaanka waxbarashada, waxaana laguu soo dirayaa warqadda u yeerista marka la helo goobta waxbarashada.
Waxbarashada la qabsiga dalka, waxaad
- ku baranaysaa luqadda finishka ama iswidhishka iyo aqoonta warisgaarsiinta
- ku baranaysaa aqoonta la xiriirta bulshada iyo nolosha shaqada
- heleysaa qorshaha xirfadeed ee adiga kuu gaarka ah.
Waxbarashada la qabsiga dalka kaddib, waxaad ku hadli kartaa luqadda finishka ama iswidhishka ee kugu filan oo aad ku meelmarin karto nololmaalmeedkaaga caadiga ah, sida shaqada, dukaanka iyo hay’adaha dowladda. Waxbarashada la qabsiga dalka kaddib waxaad raadsan kartaa shaqo ama waxbarasho, tusaale ahaan ah iskuullada xirfadaha.
Barashada luqadda finishka ama iswidhishka waa qayb ka mid ah waxbarashada la qabsiga dalka.
Marka aad doonayso inaad koorso kale ku barato luqadaha finishka iyo iswidhishka, ama aad doonayso inaad barato akhriska iyo qoraalka, waxaad arrinkaas kala hadashaa khabiirkaaga ka mas’uulka ah arrimahaaga, ka hor inta aadan bilaabin kooraska
Sidoo kale si madaxbannaani leh ayaad wax u baran kartaa.
- Ka raadi koorasyada adeegga internetka ee FinnishCourses.fi. (bogaggu waxaa ay ku qoran yihiin luqadaha af-finishka, af-ingiriska iyo af-ruushka)
- Macluumaadka ku habboon waxbarashada waxaad ka heleysaa bogagga InfoFinland.fi ama makatabadaha.
Adiga ayaa iskaa u raadssan kara tusaale ahaan waxbarashada xirfadda Haddii aad hesho goobta waxbarashada ee aad adigu codsatay, si degdeg ah arrinkaan ugu soo sheeg khabiirkaaga kuu gaarka ah. Soo sheeg ka hor inta aadan waxbarashada bilaabin.
Waxaad ogaataa in waxbarashadu ay saamayn ku yeelan karto caymiskaaga shaqo la’aanta.
Khabiirkaaga gaarka ah ee ka mas’uulka ah arrimahaaga
Khabiirka ka mas’uulka ah arrimahaaga, isaga ayaa kuu soo diraaya meelihii aad kala soo xiriiri lahayd.
Adeegga internetka ee Oma asiointi
U reeb khabiirka kaa mas’uulka ah farriin ah inuu ku soo waco, waxaadna ugu reebeysaa adeegga (Oma asiointi)
Adeegyada telefoonka
Waxaad nagula soo xiriiri kartaa dhanka telefoonka. Waxaad haysataa oo aad isticmaali kartaa adeegyo telefoon oo kala duwan, waxaana ay ku xiran tahay hadba waxa uu arrinkaagu ku saabsan yahay.
Halkaan ka eeg macluumaadka ku saabsan adeegyada telefoonka
Barta hagitaanka
Xafiisyada Kamppi, Pasila iyo Itäkeskus (boggaga waxaa ay ku qoran yihiin luqadaha af-finishka, af-iswidhishka iyo af-ingiriisiga) talo siinta xafiisyada waxaa ay furan yihiin isniin-jimce, saacadda 9–16.
- Xafiiska Kamppi, Malminkatu 34
- Xafiiska Pasila, Ratapihantie 7
- Xafiiska Itäkeskus, Asiakkaankatu 3 A
Talo siinta uma baahna inaad waqti ballan ah ka qabsato. Waxaan adiga ku siinaynnaa adeegyada ay ka midka yihiin shaqo doonista, waxbarasho codsashada iyo isticmaalka adeegga qaybta (Oma asiointi).